തൃശൂർ: കോഴിക്കോട്-കോട്ടയം കെഎസ്ആർടിസി സൂപ്പർ ഫാസ്റ്റ് ബസ് പാഴ്‌സൽ ലോറിയിലിടിച്ചു നിരവധിപ്പേർക്ക് പരിക്ക്.
കോഴിക്കോട് നിന്നും കോട്ടയത്തേക്ക് വരികയായിരുന്ന ബസ്സ് ഇന്ന് ഉച്ചകഴിഞ്ഞു കൊടകരയിൽ വെച്ചാണ് പാഴ്‌സൽ ലോറിയിലിടിച്ചത്. 20 ലധികം പേർക്ക് അപകടത്തിൽ പരിക്കേറ്റിട്ടുണ്ട്. പരിക്കേറ്റവരുടെ നില ഗുരുതരമല്ല.കോഴിക്കോട്-കോട്ടയം-ചങ്ങനാശേരി റൂട്ടിൽ സർവ്വീസ് നടത്തുന്ന സൂപ്പർ ഫാസ്റ്റ് ബസ്സാണ് അപകടത്തിൽപ്പെട്ടത്.
ബസ്സിന്റെ നിയന്ത്രണംവിട്ടതാണ് അപകട കാരണമെന്നാണ് പ്രാഥമിക നിഗമനം. നിയന്ത്രണം വിട്ട ബസ്സ് എതിർ വശത്തേക്ക് മാറുകയും എതിരെ വന്ന പാർസൽ ലോറിയിൽ ഇടിക്കുകയുമായിരുന്നു.
