കോട്ടയം: പി സി തോമസ് നേതൃത്വം നൽകുന്ന കേരളാ കോൺഗ്രസ്സ് എൻ ഡി എ വിട്ടു യൂ ഡി ഫിയിലേക്ക് പ്രവേശിക്കാനൊരുങ്ങുന്നു. ഇതിന്റെ ഭാഗമായുള്ള ഔദ്യോഗിക ചർച്ചകൾ ആരംഭിച്ചു. ചർച്ചകൾക്ക് ശേഷം എൻ ഡി എ വിടുന്ന കാര്യം പാർട്ടി ഔദ്യോഗികമായി പ്രഖ്യാപിക്കുമെന്ന് പി സി തോമസ് പറഞ്ഞു. പി സി തോമസിന്റെ വരവിനെ അനുകൂലിക്കുന്നവരും എതിർക്കുന്നവരും യൂ ഡി എഫ് മുന്നണിയിലുണ്ട്. എന്‍ഡിഎ മുന്നണിയില്‍ നിന്ന് പാര്‍ട്ടിക്കു വേണ്ടത്ര പരിഗണന ലഭിക്കാത്തതിനെ തുടർന്നാണ് മുന്നണി മാറാൻ ഇപ്പോൾ കേരളാ കോൺഗ്രസ്സ് തയ്യാറാകുന്നത്.
