കോട്ടയം: കഴിഞ്ഞ 4 നു നാട്ടകം - തിരുവാതുക്കൽ ബൈപാസ് റോഡിൽ കുട്ടിയെ ഇടിച്ചിട്ട ശേഷം നിർത്താതെ പോയ കാറിനായി പോലീസ് അന്വേഷണം ആരംഭിച്ചു. കഴിഞ്ഞ 4 നു രാത്രി 9.20 ഓടെ ഉണ്ടായ അപകടത്തിൽ ഈരാറ്റുപേട്ട സ്വദേശിയായ 4 വയസുള്ള കുട്ടി മരണപ്പെടുകയും ചെയ്തിരുന്നു. നാട്ടകം - തിരുവാതുക്കൽ ബൈപാസ് റോഡിൽ വഴിയരികിൽ നിൽക്കുകയായിരുന്ന കുട്ടിയെയാണ് കാർ ഇടിച്ചു വീഴ്ത്തിയത്. സംഭവശേഷം തിരുവാതുക്കൽ, കുരിശുപള്ളി, തിരുനക്കര,ബേക്കർ ജംഗ്ഷൻ,നാഗമ്പടം വഴിയാണ് കാർ പോയത് എന്ന് പോലീസ് പറഞ്ഞു. കാറിന്റെ സി സി ടി വി ദൃശ്യങ്ങൾ കോട്ടയം വെസ്റ്റ് പോലീസ് ഇന്നലെ പുറത്തു വിട്ടു. ഈ കാറിനെ സംബന്ധിച്ചോ ഓടിച്ച ആളിനെ സംബന്ധിച്ചോ എന്തെങ്കിലും വിവരം ലഭിക്കുന്നവർ താഴെ കാണുന്ന നമ്പറുകളിൽ ബന്ധപ്പെടേണ്ടതാണ്. ഈ കാർ എന്തെങ്കിലും മാറ്റം വരുത്തുന്നതിനോ പണിയിക്കുന്നതിനോ വർക് ഷോപ്പിലൊ,സർവീസ് സെന്ററുകളിലോ എത്തിയാൽ വിവരം പോലീസിനെ അറിയിക്കേണ്ടതാണ്.
SI 9497980328
IP 9497987072
കോട്ടയം വെസ്റ്റ് പോലീസ് സ്റ്റേഷൻ: 04812567210
