കടുത്തുരുത്തിക്ക് നക്ഷത്ര തിളക്കം സമ്മാനിച്ച് ജയ്മോൻ.

ലോകത്തിലെ ഏറ്റവും ഉയരം കൂടിയ ക്രിസ്മസ് സ്റ്റാർ നിർമ്മിച്ച ജയ്മോൻ ജോസഫിന് ഇന്ത്യൻ ബുക് ഓഫ് റെക്കോർഡ്സിന്റെ അംഗീകാരം.

കടുത്തുരുത്തി: കടുത്തുരുത്തിക്ക് നക്ഷത്ര തിളക്കം സമ്മാനിച്ച് ലോകത്തിലെ ഏറ്റവും ഉയരം കൂടിയ ക്രിസ്മസ് സ്റ്റാർ നിർമ്മിച്ച ജയ് മോൻ ജോസഫിന് ഇന്ത്യൻ ബുക് ഓഫ് റെക്കോർഡ്സിന്റെ അംഗീകാരം. 2019 ഡിസംബറിൽ കടുത്തുരുത്തി പൂഴിക്കോൽ സെന്റ .ആന്റണീസ് പള്ളിയിൽ നിർമ്മിച്ച നക്ഷത്രമാണ് ജയ്‌മോനും കടുത്തുരുത്തിക്കും നക്ഷത്ര തിളക്കം സമ്മാനിച്ചത്.  108.9 അടി ഉയരമുള്ള നക്ഷത്രമാണ് കടുത്തുരുത്തി പൂഴിക്കോൽ സെന്റ്.ആന്റണീസ് പള്ളിയിൽ ഉയർന്നത്. അറുന്നൂറ്റിമംഗലം കൊല്ലംക്കുഴിയിൽ പരേതരായ ജോസഫ് റോസമ്മ ദമ്പതികളുടെ മകനാണ് ജയ്മോൻ. പള്ളിയിൽ ചേർന്ന യോഗത്തിൽ എംഎൽഎ മോൻസ് ജോസഫ് ജയ്‌മോന് അവാർഡ് സമ്മാനിച്ചു. നിരവധിപ്പേർ അനുമോദന യോഗത്തിൽ പങ്കെടുത്തു. പൂഞ്ഞാർ സെന്റ.ആന്റണീസ് HSS ലെ ജീവനക്കാരനാണ് ജയ്‌മോൻ.