മണിമല: മണിമല ഹോളി മെയ്ജെ ഫൊറോനാ പള്ളിയിൽ വിശുദ്ധ പൂജരാജാക്കന്മാരുടെ തിരുനാളിന് ഇന്ന് കൊടിയേറും. കോവിഡ് സാഹചര്യം കണക്കിലെടുത്ത് ഈ വർഷം ആഘോഷ പരിപാടികൾ എല്ലാം ഒഴിവാക്കിയാണ് തിരുനാൾ നടത്തപ്പെടുന്നത്. ആയിരക്കണക്കിന് വിശ്വാസികൾ പങ്കെടുത്തിരുന്ന കറിക്കാട്ടൂർ കപ്പേളയിൽ നിന്നുള്ള തിരുനാൾ റാസാ ഈ വർഷം ഉണ്ടാകില്ല. തിരുനാളിന്റെ പ്രധാന ദിനങ്ങളായ മൂന്നു ദിവസങ്ങളിലായി വിവിധ മേഖലകൾ തിരിച്ചാണ് ഈ വർഷം തിരുനാൾ പ്രദക്ഷിണം നടത്തപ്പെടുന്നത്. തിരുനാളിന് ഇന്ന് വൈകിട്ട് നാലരയ്ക്ക് കൊടിയേറ്റും. തിരുനാൾ 7 നു സമാപിക്കും.
