തിരുവനന്തപുരം: സംസ്ഥാനത്ത് കോവിഡ് കേസുകള് വര്ധിക്കുന്ന സാഹചര്യത്തില് നിയന്ത്രണങ്ങള് കര്ശനമാക്കാന് ഇന്ന് ചേർന്ന കോവിഡ് അവലോകന യോഗത്തിൽ തീരുമാനിച്ചതായി മുഖ്യമന്ത്രി പിണറായി വിജയൻ അറിയിച്ചു.
നിയന്ത്രണങ്ങളില് അയവുവന്നതും പൊതുവെയുള്ള ജാഗ്രത കുറഞ്ഞതും കോവിഡ് വ്യാപനത്തിന് കാരണമാണെന്ന് യോഗം വിലയിരുത്തിയതായും അദ്ദേഹം പറഞ്ഞു. നിയന്ത്രണങ്ങള് കര്ശനമായി പാലിച്ചില്ലെങ്കില് സ്ഥിതി ഗുരുതരമാകും. പൊതുപരിപാടികള് സംഘടിപ്പിക്കുമ്പോള് കോവിഡ് മാനദണ്ഡങ്ങള് കര്ശനമായി പാലിക്കണം. ശാരീരിക അകലവും മാസ്ക്കും നിര്ബന്ധമാക്കും എന്നും മാനദണ്ഡങ്ങള് പാലിക്കുന്നുണ്ടോ എന്ന് നിരീക്ഷിക്കുന്നതിന് പോലീസിനെ നിയോഗിക്കാനും തീരുമാനിച്ചതായും മുഖ്യമന്ത്രി പറഞ്ഞു.
തദ്ദേശസ്വയംഭരണ സ്ഥാപനങ്ങളിൽ കോവിഡ് പ്രതിരോധത്തിനുള്ള വാര്ഡുതല സമിതികള് വാര്ഡ് അംഗത്തിന്റെ നേതൃത്വത്തില് പുനഃസംഘടിപ്പിക്കണം. ജില്ലാ പഞ്ചായത്ത് പ്രസിഡന്റുമാരെയും കോവിഡ് പ്രതിരോധത്തിന്റെ ഭാഗമാക്കണം. നിയന്ത്രണങ്ങള് കര്ക്കശമാക്കുന്നുണ്ടെങ്കിലും തൊഴിലെടുക്കുന്നതിനും ജീവിതോപാധിയുമായി ബന്ധപ്പെട്ട മറ്റു കാര്യങ്ങള്ക്കും തടസ്സമുണ്ടാകില്ല എന്നും മുഖ്യമന്ത്രി പറഞ്ഞു.