തിരുവനന്തപുരം: സംസ്ഥാനത്ത് കോട്ടയം ഉൾപ്പടെയുള്ള ജില്ലകളിൽ കോവിഡ് വീണ്ടും പിടി മുറുക്കുന്നു. കഴിഞ്ഞ ദിവസങ്ങളിലായി സംസ്ഥാനത്ത് കോവിഡ് കുതിച്ചുയരുന്ന കണക്കുകളാണ് പുറത്തു വന്നുകൊണ്ടിരിക്കുന്നത്.
അടച്ചുപൂട്ടൽ നിയന്ത്രണങ്ങൾ പൂർണ്ണമായും ഒഴിവാക്കിയതോടെ രോഗബാധിതരുടെ എണ്ണം കൂടുതലായി ഉയർന്നു. തദ്ദേശ തെരഞ്ഞെടുപ്പിന് ശേഷവും സംസ്ഥാനത്ത് രോഗബാധിതരുടെ എണ്ണത്തിൽ പ്രതിദിന വർദ്ധനവ് രേഖപ്പെടുത്തിയിരുന്നു. ജാഗ്രത കൈവിട്ടാൽ സംസ്ഥാനത്തെ സ്ഥിഗതികൾ വീണ്ടും വഷളായേക്കും. എല്ലാവരും കോവിഡ് പ്രതിരോധ മാർഗ്ഗ നിർദേശങ്ങൾ പൂർണ്ണമായും പാലിക്കാൻ തയ്യാറാകണമെന്നും മാസ്ക്ക് ശെരിയായി ധരിക്കണമെന്നും സാമൂഹിക അകലം പാലിക്കണമെന്നും ആരോഗ്യ വകുപ്പ് അറിയിച്ചു.
