തിരുവനന്തപുരം: വെള്ളിയാഴ്ച്ചത്തെ ഭാരത് ബന്ദിൽ പങ്കെടുക്കില്ലെന്നും സംസ്ഥാനത്ത് കടകൾ തുറന്നു പ്രവർത്തിക്കുമെന്നും വ്യാപാരി വ്യവസായി ഏകോപന സമിതി. കോൺഫെഡറേഷൻ ഓഫ് ഓൾ ഇന്ത്യ ട്രേഡേഴ്സ് ആണ് ഭാരത് ബന്ദിന് ആഹ്വാനം ചെയ്തിരിക്കുന്നത്.
ചരക്ക് സേവന നികുതി വ്യവസ്ഥ പുനഃപരിശോധിക്കണമെന്നും ഇന്ധന വിലവർദ്ധനവിൽ പ്രതിഷേധിച്ചുമാണ് നാളെ ഭാരത് ബന്ദിന് ആഹ്വാനം ചെയ്തിരിക്കുന്നത്. രാവിലെ 6 മണി മുതൽ വൈകിട്ട് 8 മണിവരെയാണ് ബന്ദിന് ആഹ്വാനം ചെയ്തിരിക്കുന്നത്. രാജ്യത്തെ ഒരു ലക്ഷത്തോളം ട്രക്കുകൾ നാളെ പണിമുടക്കും.
