എരുമേലി: വിദേശമദ്യം വീട്ടിൽ സൂക്ഷിച്ചു വിൽപ്പന നടത്തി വന്നിരുന്ന മധ്യവയസ്‌കനെ പോലീസ് പിടികൂടി. എരുമേലി കണമല ആറാട്ടുക്കയം കുടുക്കാംതടത്തിൽ വർഗീസ് കുര്യൻ (ജോയി -75) ആണ് പോലീസ് പിടിയിലായത്.
ജില്ലാ പോലീസ് മേധാവിയുടെ നിർദ്ദേശ പ്രകാരമുള്ള പരിശോധനയിലാണ് ഇയാളെ പോലീസ് പിടികൂടിയത്. രണ്ടു ലിറ്ററിലധികം വിദേശമദ്യവും മദ്യം വിൽപ്പന നടത്തിയ പണവും പോലീസ് പിടിച്ചെടുത്തു. എസ്.എച്ച്.ഒ ഫിറോസ് എസിൻ്റെ നേതൃത്വത്തിൽ നടന്ന പരിശോധനയിൽ എസ്ഐമാരായ അഭി ജേക്കബ്,സതീശ് സി.എച്ച്, രംഗനാഥൻ, സി. പി.ഒമാരായ സിബി,ഷാജി ജേക്കബ് എന്നിവരാണ് പരിശോധനാ സംഘത്തിൽ ഉണ്ടായിരുന്നത്.
