കോട്ടയം: ജെ സി ഡാനിയേലിൻ്റ 121 മത് ജന്മദിനാഘോഷം കോട്ടയത്ത് ചലച്ചിത്ര താരം ദേവൻ ഉത്‌ഘാടനം ചെയ്തു. വെള്ളിയാഴ്ച്ച ഉച്ചകഴിഞ്ഞു 2 മണിക്ക് കോട്ടയം മാമ്മൻ മാപ്പിള ഹാളിൽ ജെ സി ഡാനിയേലിൻ്റ 121 മത് ജന്മദിനാഘോഷവും കലാ സാംസ്ക്കാരിക അവാർഡ് സമർപ്പണവും നടന്നു.
കോവിഡ് മാനദണ്ഡങ്ങൾ പാലിച്ചു നടത്തിയ ചടങ്ങിൽ പി സി ജോർജ് എംഎൽഎ, തിരുവഞ്ചൂർ രാധാകൃഷ്‌ണൻ എംഎൽഎ എന്നിവർ മുഖ്യ പ്രഭാഷണം നടത്തി. ജെ സി ഡാനിയേൽ അഡ്മിനിസ്ട്രേറ്റർ സോന എസ് നായരുടെ കാരിക്കേച്ചർ ജോൺ ആർട്ട്സിൽ നിന്ന് നടൻ ദേവനും അനിൽ കുമാർ കെ യും ചേർന്ന് ഏറ്റ് വാങ്ങി. കോട്ടയം നസീർ, നവാസ് കലാഭവൻ, ഡയറക്ടർ സോഹൻ സീനുലാൽ, ഗിന്നസ് വേൾഡ് റിക്കോർഡ്‌ വിന്നർ ജോൺആർട്ട്സ്, കലാഭവൻ ഡയറക്ടർ ബോർഡംഗം അലി അക്ബർ കലാഭവൻ തുടങ്ങി ചലച്ചിത്ര മേഖലയിലെയും കലാ സാംസ്ക്കാരിക മേഖലയിലെയും നിരവധിപ്പേർ പങ്കെടുത്തു. അവാർഡ് സമർപ്പണത്തിനു ശേഷം നടന്ന വർണ്ണാഭമായ കലാപരിപാടികൾക്ക് ബാബു ജോസ് നേതൃത്വം നൽകി.
