കാഞ്ഞിരപ്പള്ളി: കാഞ്ഞിരപ്പള്ളിയിൽ യുവാവിന്റെ കുത്തേറ്റു ചികിത്സയിൽ കഴിഞ്ഞിരുന്ന പാസ്റ്റർ മരിച്ചു. കാഞ്ഞിരപ്പള്ളി കൂവപ്പള്ളി നാലാംമൈല്‍ കുടപ്പനക്കുഴി മനപ്പാട്ട് അജീഷ് (41)ആണ് മരിച്ചത്.
സംഭവത്തിൽ സംഭവത്തില്‍ കൂവപ്പള്ളി ടാങ്ക് പടി ഭാഗം മുളയ്ക്കല്‍ ജോബി (അപ്പു- 24) യെ കാഞ്ഞിരപ്പള്ളി പോലീസ് അറസ്റ്റ് ചെയ്തു. പെന്തക്കോസ്തു സഭയിലെ പാസ്റ്റര്‍ ആണ് അജീഷ്. കഴിഞ്ഞ ഞായറാഴ്ച്ച വൈകിട്ട് ആറ് മണിക്ക് കൂവപ്പള്ളിക്ക് സമീപമായിരുന്നു സംഭവം.
യാതൊരു പ്രകോപനവുമില്ലാതെ ജോബി മേസ്തിരി പണി കഴിഞ്ഞു വരികയായിരുന്ന അജീഷിനെ കുത്തുകയായിരുന്നു. ഗുരുതരമായി പരിക്കേറ്റ അജീഷ് കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലിരിക്കെയാണ് മരിച്ചത്.
