പാലാ: ബൈക്കിലെത്തി സ്ത്രീയുടെ മാല മോഷ്ടിച്ച കേസിൽ 2 യുവാക്കളെ പോലീസ് അറസ്റ്റ് ചെയ്തു. കൊല്ലം പാരിപ്പള്ളി കുന്നുംപുറം ഭാഗം മേലേതിൽ വീട്ടിൽ അശോകന്റെ മകൻ അബു(21),പുലിയന്നൂർ പടിഞ്ഞാറ്റിൻകര പനയ്ക്കച്ചാലിൽ വീട്ടിൽ ടോം ജോസഫിന്റെ മകൻ ജെറിൻ പി ടോം(21)എന്നിവരെയാണ് പാലാ പോലീസ് അറസ്റ്റ് ചെയ്തത്.
പാലാ വള്ളീച്ചിറ മണലേൽപ്പാലം ഭാഗത്ത് മുറുക്കാൻ കടയിൽ ബൈക്കിൽ എത്തി സിഗരറ്റ് ആവശ്യപ്പെടും തുടർന്ന് കടയുടമയായ സ്ത്രീയുടെ കഴുത്തിൽ കിടന്നിരുന്ന സ്വർണ്ണ മാലയും സ്വർണ്ണ താലിയും സ്വർണ്ണ ലോക്കറ്റും ഉൾപ്പെടെ 17.900 ഗ്രാം തൂക്കം വരുന്നതും 80,000 രൂപ വില വരുന്നതുമായ സ്വർണ്ണം മോഷ്ടിച്ചു കടന്നുകളയുകയായിരുന്നു.
പാലാ ഡെപ്യൂട്ടി പോലീസ് സൂപ്രണ്ട് പ്രഭുല്ലചന്ദ്രന്‍റെ നിർദ്ദേശാനുസരണം പാലാ പോലീസ് സ്റ്റേഷൻ ഇൻസ്പെക്ടർ എസ് എച്ച് ഒ സുനിൽ തോമസ്, എസ് ഐ ജോർജ് കെ എസ്, തോമസ് സേവ്യർ, എസ് സി പി ഓ ഷെറിൻ മാത്യൂ സ്റ്റീഫൻ, സി പി ഓ ജയകുമാർ, അരുൺചന്ദ് എന്നിവരുടെ നേതൃത്വത്തിലാണ് പ്രതികളെ അറസ്റ്റ് ചെയ്തത്. കോടതിയിൽ ഹാജരാക്കിയ ഇവരെ റിമാൻഡ് ചെയ്തു.
