തിരുവനന്തപുരം: യു.കെ.യില്‍ നിന്നും വന്ന 2 പേര്‍ക്ക് കൂടി ഇന്ന് കോവിഡ് സ്ഥിരീകരിച്ചു. ഇതോടെ സംസ്ഥാനത്ത് അടുത്തിടെ യുകെയിൽ നിന്നെത്തിയ 101 പേർക്കും സൗത്ത് ആഫ്രിക്കയിൽ നിന്നെത്തിയ 4 പേർക്കും ബ്രസീല്‍ നിന്നെത്തിയ ഒരാൾക്കുമാണ് കോവിഡ് സ്ഥിരീകരിച്ചത്.
ഇതുവരെ സംസ്ഥാനത്ത് ഈ രാജ്യങ്ങളിൽ നിന്നും വന്ന 106 പേര്‍ക്കാണ് കോവിഡ്19 സ്ഥിരീകരിച്ചത്. ഇവരില്‍ 95 പേരുടെ പരിശോധനാഫലം നെഗറ്റീവായി. നിലവിൽ സംസ്ഥാനത്ത് ഇതുവരെ ഒരു കോട്ടയം സ്വദേശിനിയുൾപ്പടെ ആകെ 11 പേരിലാണ് ജനിതക വകഭേദം വന്ന വൈറസിനെ കണ്ടെത്തിയത്.
