കോട്ടയം: വോട്ടു ചെയ്യേണ്ടതിന്റെ പ്രാധാന്യത്തെക്കുറിച്ച് ബോധവത്ക്കരണം നടത്തി ജില്ലയിലെ സ്വീപ് വോളണ്ടിയര്‍മാർ. കോട്ടയം നഗരത്തിലെ വിവിധ കോളേജുകളിലെ എന്‍.എസ്.എസ് വോളണ്ടിയര്‍മാര്‍ ആണ് ജനങ്ങൾക്കിടയിലെ ബോധവത്ക്കരണ പരിപാടികൾക്ക് നേതൃത്വം നൽകുന്നത്.
കോട്ടയം ബിസിഎം കോളേജിലെ വിദ്യാർത്ഥികൾ സ്വീപ്പിന്റെ ഭാഗമായി കോട്ടയം നാഗമ്പടം ബസ്സ് സ്റ്റാൻഡിൽ വോട്ടര്‍ ബോധവത്കരണ പരിപാടികൾ നടത്തി. പ്രധാന സ്ഥലങ്ങളും മുന്‍ തിരഞ്ഞെടുപ്പുകളിൽ പോളിംഗ് ശതമാനം കുറഞ്ഞ മേഖലകളും കേന്ദ്രീകരിച്ച് വോട്ടു ചെയ്യേണ്ടതിന്റെ പ്രാധാന്യത്തെക്കുറിച്ച് ജനങ്ങളെ ബോധവത്കരിക്കുകയാണ് സ്വീപ്പിന്റെ ലക്ഷ്യം.
