കിടങ്ങൂർ: കിടങ്ങൂരിൽ നിയന്ത്രണംവിട്ട കാർ ട്രാൻസ്ഫോർമറിലേക്ക് ഇടിച്ചു കയറി, സംരക്ഷണ വേലി തകർന്നു. ഇന്നലെ രാവിലെ 11 മണിയോടെയായിരുന്നു അപകടം. നിയന്ത്രണംവിട്ട കാർ കിടങ്ങൂർ അയർക്കുന്നം റോഡിലെ പെട്രോൾ പമ്പിനു സമീപമുള്ള ട്രാൻസ്ഫോർമറിലേക്ക് ഇടിച്ചു കയറുകയായിരുന്നു. ട്രാൻസ്ഫോർമറിന്റെ സംരക്ഷണ വേലി തകർത്ത കാർ ട്രാൻസ്ഫോർമറിൽ ഇടിക്കാതിരുന്നതിനാൽ വൻ അപകടം ഒഴിവായി. അപകടത്തിൽ ഡ്രൈവർ പരിക്കേൽക്കാതെ രക്ഷപെട്ടു. ഡ്രൈവർ ഉറങ്ങി പോയതാകാം അപകട കാരണമെന്നാണ് പ്രാഥമിക നിഗമനം