കോട്ടയം: കോവിഡ് നിയന്ത്രണങ്ങള്‍ ലംഘിച്ചതിന് കോട്ടയം ജില്ലയിൽ ബുധനാഴ്ച്ച 82 കേസുകൾ രജിസ്റ്റർ ചെയ്തു. 82 കേസുകളിലായി ജില്ലയിൽ 73 പേരുടെ അറസ്റ്റും പോലീസ് രേഖപ്പെടുത്തിയിട്ടുണ്ട്.
കോവിഡ് നിയന്ത്രണങ്ങള്‍ ലംഘിച്ചതിന് ബുധനാഴ്ച്ച കോട്ടയം ജില്ലയിൽ നിന്നും 333 വാഹനങ്ങളാണ് പോലീസ് പിടിച്ചെടുത്തത്. കോവിഡ് നിയന്ത്രണങ്ങള്‍ ലംഘിച്ചതിന് ഇന്നലെ സംസ്ഥാനത്ത് ഏറ്റവുമധികം വാഹനങ്ങൾ പോലീസ് കസ്റ്റഡിയിലെടുത്തത് കോട്ടയം ജില്ലയിലാണ്.
കോവിഡ് നിയന്ത്രണങ്ങള്‍ ലംഘിച്ചതിന് സംസ്ഥാനത്തൊട്ടാകെ ഇന്നലെ 1565 പേര്‍ക്കെതിരെ കേസെടുത്തു. ഇന്നലെ അറസ്റ്റിലായത് 539 പേരാണ്. 1748 വാഹനങ്ങളും പിടിച്ചെടുത്തു. മാസ്ക് ധരിക്കാത്ത 8867 സംഭവങ്ങളാണ് സംസ്ഥാനത്ത് ഇന്നലെ റിപ്പോര്‍ട്ട് ചെയ്തത്. ക്വാറന്‍റൈന്‍ ലംഘിച്ചതിന് ഇന്നലെ സംസ്ഥാനത്ത് 200 കേസുകളും റിപ്പോര്‍ട്ട് ചെയ്തു.
