കോട്ടയം: കോവിഡ് നിയന്ത്രണങ്ങള്‍ ലംഘിച്ചതിന് കോട്ടയം ജില്ലയിൽ ഞായറാഴ്ച്ച 53 കേസുകൾ രജിസ്റ്റർ ചെയ്തു. ജില്ലയിൽ പോലീസ് 26 പേരുടെ അറസ്റ്റും രേഖപ്പെടുത്തി. കോവിഡ് നിയന്ത്രണങ്ങള്‍ ലംഘിച്ചതിന് കോട്ടയം ജില്ലയിൽ നിന്നും ഞായറാഴ്ച്ച പോലീസ് 323 വാഹനങ്ങൾ കസ്റ്റഡിയിലെടുത്തു.
ഞായറാഴ്ച്ച കോവിഡ് നിയന്ത്രണങ്ങൾ ലംഘിച്ചതിന് ഏറ്റവും കൂടുതൽ വാഹനങ്ങൾ പിടിച്ചെടുത്തത് കോട്ടയം ജില്ലയിൽ നിന്നാണ്. കോവിഡ് നിയന്ത്രണങ്ങള്‍ ലംഘിച്ചതിന് സംസ്ഥാനത്തൊട്ടാകെ ഇന്നലെ 1394 പേര്‍ക്കെതിരെ കേസെടുത്തു.
ഇന്നലെ അറസ്റ്റിലായത് 445 പേരാണ്. 1477 വാഹനങ്ങളും പിടിച്ചെടുത്തു. മാസ്ക് ധരിക്കാത്ത 7885 സംഭവങ്ങളാണ് സംസ്ഥാനത്ത് ഇന്നലെ റിപ്പോര്‍ട്ട് ചെയ്തത്. ക്വാറന്‍റൈന്‍ ലംഘിച്ചതിന് 151 കേസുകളും സംസ്ഥാനത്ത് ഇന്നലെ റിപ്പോര്‍ട്ട് ചെയ്തു.
