കൂട്ടിക്കൽ പ്ലാപ്പള്ളിയിൽ ഉരുൾപൊട്ടി, 3 മരണം, 13 പേരെ കാണാതായി.

മുണ്ടക്കയം: കോട്ടയം മുണ്ടക്കയംകൂട്ടിക്കൽ പ്ലാപ്പള്ളിയിൽ ഉരുൾപൊട്ടി. 3 വീടുകൾ ഒലിച്ചു പോയതായാണ് വിവരം. ഉരുൾപൊട്ടലിൽ 13 പേരെ കാണാതായി. 3 പേരുടെ മൃതദേഹം കണ്ടെത്തിയതായി വിവരം. ഒരു വീട്ടിലെ 6 പേരെയാണ് കാണാതായത്. കിഴക്കൻ മേഖലയിൽ മഴ ശക്തമായി തുടരുകയാണ്. നാട്ടുകാർ മേഖലയിൽ രക്ഷപ്രവർത്തനം തുടരുകയാണ്. സമീപ മേഖലകളിൽ വെള്ളം ഉയർന്നത്തോടെ രക്ഷപ്രവർത്തനത്തിനായി പോലീസിനും ഫയർ ഫോഴ്സിനും എത്തിച്ചേരാൻ സാധിക്കുന്നില്ല. ഈ സാഹചര്യത്തിൽ ഒറ്റപ്പെട്ടു പോയവരെ രക്ഷപ്പെടുത്താൻ ജില്ലാ കളക്ടർ എയർ ഫോഴ്സിന്റെ സേവനം ആവശ്യപ്പെട്ടിട്ടുണ്ട്.