കോട്ടയം: കോവിഡ് നിയന്ത്രണങ്ങള്‍ ലംഘിച്ചതിന് കോട്ടയം ജില്ലയിൽ ഞായറാഴ്ച്ച 42 കേസുകൾ രജിസ്റ്റർ ചെയ്തു. 34 പേരുടെ അറസ്റ്റും ജില്ലയിൽ പോലീസ് രേഖപ്പെടുത്തിയിട്ടുണ്ട്. കോവിഡ് നിയന്ത്രണങ്ങള്‍ ലംഘിച്ചതിന് കോട്ടയം ജില്ലയിൽ നിന്നും ഞായറാഴ്ച്ച 298 വാഹനങ്ങൾ പോലീസ് കസ്റ്റഡിയിൽ എടുത്തു. കോവിഡ് നിയന്ത്രണങ്ങൾ ലംഘിച്ചതിന് സംസ്ഥാനത്ത് ഏറ്റവും കൂടുതൽ വാഹനങ്ങൾ ഞായറാഴ്ച്ച പോലീസ് കസ്റ്റഡിയിൽ എടുത്തത് കോട്ടയം ജില്ലയിൽ നിന്നുമാണ്. കോവിഡ് നിയന്ത്രണങ്ങള്‍ ലംഘിച്ചതിന് സംസ്ഥാനത്തൊട്ടാകെ ഞായറാഴ്ച്ച 957 പേര്‍ക്കെതിരെ കേസെടുത്തു. ഞായറാഴ്ച്ച അറസ്റ്റിലായത് 309 പേരാണ്. 1121 വാഹനങ്ങളും പിടിച്ചെടുത്തു. മാസ്ക് ധരിക്കാത്ത 6016 സംഭവങ്ങളാണ് സംസ്ഥാനത്ത് ഞായറാഴ്ച്ച റിപ്പോര്‍ട്ട് ചെയ്തത്. ക്വാറന്‍റൈന്‍ ലംഘിച്ചതിന് 107 കേസുകളും സംസ്ഥാനത്ത് ഞായറാഴ്ച്ച റിപ്പോര്‍ട്ട് ചെയ്തു.
