കോട്ടയം: കോവിഡ് നിയന്ത്രണങ്ങള്‍ ലംഘിച്ചതിന് കോട്ടയം ജില്ലയിൽ വ്യാഴാഴ്ച്ച 41 കേസുകൾ രജിസ്റ്റർ ചെയ്തു. 31 പേരുടെ അറസ്റ്റും ജില്ലയിൽ പോലീസ് രേഖപ്പെടുത്തിയിട്ടുണ്ട്. കോവിഡ് നിയന്ത്രണങ്ങള്‍ ലംഘിച്ചതിന് കോട്ടയം ജില്ലയിൽ നിന്നും വ്യാഴാഴ്ച്ച 274 വാഹനങ്ങളാണ് പോലീസ് കസ്റ്റഡിയിൽ എടുത്തത്.
കോവിഡ് നിയന്ത്രണങ്ങള്‍ ലംഘിച്ചതിന് സംസ്ഥാനത്ത് ഏറ്റവും കൂടുതൽ വാഹനങ്ങൾ പോലീസ് പിടിച്ചെടുത്തത് കോട്ടയം ജില്ലയിൽ നിന്നുമാണ്. കോവിഡ് നിയന്ത്രണങ്ങള്‍ ലംഘിച്ചതിന് സംസ്ഥാനത്തൊട്ടാകെ വ്യാഴാഴ്ച്ച 806 പേര്‍ക്കെതിരെ കേസെടുത്തു. വ്യാഴാഴ്ച്ച അറസ്റ്റിലായത് 294 പേരാണ്. 1092 വാഹനങ്ങളും പിടിച്ചെടുത്തു. മാസ്ക് ധരിക്കാത്ത 5622 സംഭവങ്ങളാണ് സംസ്ഥാനത്ത് വ്യാഴാഴ്ച്ച റിപ്പോര്‍ട്ട് ചെയ്തത്. ക്വാറന്‍റൈന്‍ ലംഘിച്ചതിന് 45 കേസുകളും സംസ്ഥാനത്ത് വ്യാഴാഴ്ച്ച റിപ്പോര്‍ട്ട് ചെയ്തു.
