ഏറ്റുമാനൂർ: ഏറ്റുമാനൂരിൽ നിയന്ത്രണംവിട്ട ബൈക്ക് ലോറിക്കടിയിലേക്ക് മറിഞ്ഞു ബന്ധുക്കളായ യുവാവിനും യുവതിക്കും ദാരുണാന്ത്യം. ഏറ്റുമാനൂർ-പാലാ റോഡിൽ കിസ്മത്ത് പടിയിൽ ഇന്ന് ആറരയോടെയാണ് അപകടം ഉണ്ടായത്.
മരണപ്പെട്ടത് ആരൊക്കെയാണെന്ന് തിരിച്ചറിഞ്ഞിട്ടില്ല. ബന്ധുക്കളായ യുവാവും യുവതിയും സഞ്ചരിച്ചിരുന്ന ബൈക്ക് നിയന്ത്രണംവിട്ടു മറ്റൊരു ബൈക്കിൽ ഇടിച്ച ശേഷം ലോറിക്കടിയിലേക്ക് മറിയുകയായിരുന്നു. അപകടത്തിൽ യുവാവിന്റെ ശരീരത്തിലൂടെ ലോറി കയറിയിറങ്ങുകയായിരുന്നു.
യുവാവിന്റെ തലയുടെ ഒരു ഭാഗം പൂർണ്ണമായും തകർന്നു. അപകടം കണ്ടു ഓടിയെത്തിയ നാട്ടുകാരാണ് ഇരുവരെയും മെഡിക്കൽ കോളേജിൽ എത്തിച്ചത്. സംഭവ സ്ഥലത്തു വെച്ചുതന്നെ യുവാവ് മരണപ്പെട്ടിരുന്നു. ആശുപത്രിയിൽ എത്തിച്ചെങ്കിലും യുവതിയുടെ ജീവൻ രക്ഷിക്കാനായില്ല. അഗ്നിരക്ഷാ സേനയെത്തിയാണ് റോഡിൽ പരന്ന രക്തവും ശരീര അവശിഷ്ടങ്ങളും കഴുകി കളഞ്ഞത്. മൃതദേഹം കോട്ടയം മെഡിക്കൽ കോളേജ് ആശുപത്രിയിൽ സൂക്ഷിച്ചിരിക്കുകയാണ്.
