കിടങ്ങൂരിൽ റോഡ് മുറിച്ചു കടക്കുന്നതിനിടെ കാറിടിച്ച് വയോധികൻ മരിച്ചു.

കിടങ്ങൂർ: കിടങ്ങൂരിൽ റോഡ് മുറിച്ചു കടക്കുന്നതിനിടെ കാറിടിച്ച് വയോധികൻ മരിച്ചു. കിടങ്ങൂർ വെട്ടിക്കൽ വി എം ജോസഫ്(ജോയി)(77) ആണ് മരിച്ചത്.

ഇന്നലെ രാത്രി 7 മണിയോടെ കിടങ്ങൂർ ജംങ്ഷനിലാണ് അപകടം ഉണ്ടായത്. റോഡ് മുറിച്ചു കടക്കുകയായിരുന്നു ജോയിയെ ഏറ്റുമാനൂർ ഭാഗത്തേക്ക് വന്ന കാർ ഇടിക്കുകയായിരുന്നു. ഇടിയുടെ ആഘാതത്തിൽ ജോയി റോഡിനു സമീപത്തേക്ക് തെറിച്ചു വീഴുകയായിരുന്നു.

അപകടം കണ്ടു ഓടിയെത്തിയവർ ജോയിയെ സമീപത്തെ ആശുപത്രിയിൽ എത്തിച്ചെങ്കിലും ജീവന്രക്ഷിക്കാനായില്ല. കിടങ്ങൂർ പോലീസ് സ്ഥലത്തെത്തി മേൽനടപടികൾ സ്വീകരിച്ചു. സംസ്കാരം ഇന്ന് ഉച്ചകഴിഞ്ഞു 2 മണിക്ക് കിടങ്ങൂർ സെന്റ്. മേരീസ് ക്നാനായ കത്തോലിക്കാ പള്ളിയിൽ നടക്കും.