പൊൻകുന്നം: പൊൻകുന്നം ജനമൈത്രി പോലീസ് സ്‌റ്റേഷന്റെ നേതൃത്വത്തിൽ അയ്യപ്പസേവാ കേന്ദ്രം ആരംഭിച്ചു. കഴിഞ്ഞ 12 വർഷമായി പൊൻകുന്നം ജനമൈത്രി പോലീസ് സ്‌റ്റേഷന്റെ നേതൃത്വത്തിൽ അയ്യപ്പസേവാ കേന്ദ്രം പ്രവർത്തിക്കുന്നുണ്ട്.
പൊൻകുന്നം പോലീസ് സ്റ്റേഷന് സമീപം നിർമ്മിച്ചിരിക്കുന്ന കേന്ദ്രത്തിന്റെ ഉത്‌ഘാടനം സർക്കാർ ചീഫ് വിപ്പും എംഎൽഎ യുമായ ഡോ.എൻ ജയരാജ് നിർവ്വഹിച്ചു. അയ്യപ്പഭക്തർക്ക് ആവശ്യമായ സൗകര്യങ്ങൾ ഒരുക്കി നൽകുന്നതിനായി മണ്ഡല-മകരവിളക്ക് കാലയളവിൽ 24 മണിക്കൂറും ഈ കേന്ദ്രം പ്രവർത്തിക്കും. പൊൻകുന്നം ജനമൈത്രി പോലീസ് സ്റ്റേഷനിലെ ഉദ്യോഗസ്ഥർ നടത്തുന്ന മാതൃകാപരമായ പ്രവർത്തനങ്ങളെ അഭിനന്ദിക്കുന്നതായും എംഎൽഎ പറഞ്ഞു.
