പൊൻകുന്നം: പൊൻകുന്നത്ത് നിയന്ത്രണംവിട്ട ബൈക്ക് വൈദ്യുതി പോസ്റ്റിലിടിച്ച് യുവാവ് മരിച്ചു. പൊൻകുന്നം തെക്കെത്തുകവല കൊട്ടാടിക്കുന്നേൽ മോഹനന്റെ മകൻ മഹേഷ്(22)ആണ് മരിച്ചത്.
പൊൻകുന്നം ചിറക്കടവ് പാറാംതോടിനു സമീപം വ്യാഴാഴ്ച്ച രാത്രിയാണ് അപകടം ഉണ്ടായത്. പൊൻകുന്നത്ത് ബേക്കറി ജീവനക്കാരനായിരുന്ന മഹേഷ് ജോലി കഴിഞ്ഞു വീട്ടിലേക്ക് മടങ്ങും വഴിയാണ് അപകടം ഉണ്ടായത്.
മഹേഷ് സഞ്ചരിച്ചിരുന്ന ബൈക്ക് നിയന്ത്രണംവിട്ടു വൈദ്യുതി പോസ്റ്റിലിടിക്കുകയായിരുന്നു. അപകടത്തിൽ ഗുരുതരമായി പരിക്കേറ്റ മഹേഷിനെ കാഞ്ഞിരപ്പള്ളി ജനറൽ ആശുപത്രിയിലും തുടർന്ന് വിദഗ്ദ്ധ ചികിത്സയ്ക്കായി കോട്ടയം മെഡിക്കൽ കോളേജ് ആശുപത്രിയിലും പ്രവേശിപ്പിക്കുകയായിരുന്നു. കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ ഇന്ന് ഉച്ചയോടെയാണ് മരണം സംഭവിച്ചത്.
