മുണ്ടക്കയം: മുണ്ടക്കയത്ത് തെങ്ങിൽ കയറിയ തൊഴിലാളിക്ക് ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് അബോധാവസ്ഥയിലായ മധ്യവയസ്കനെ കാഞ്ഞിരപ്പളളി അഗ്നിരക്ഷാസേന സാഹസികമായി രക്ഷപ്പെടുത്തി.
ഇന്നലെ മുണ്ടക്കയം ചോറ്റിയിലാണ് സംഭവം ഉണ്ടായത്. ചോറ്റി ചിലമ്പിക്കുന്നേൽ ജോയിയുടെ പുരയിടത്തിലെ തെങ്ങിൽ കയറിയ തൊഴിലാളി പാറത്തോട് പള്ളിപ്പടി പാറന്തോട്ട് ജോർജ് (60 )ആണ് തെങ്ങിന് മുകളിൽ വെച്ച് ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് അബോധാവസ്ഥയിലായത്.
ഉടൻ തന്നെ ഉടമയും നാട്ടുകാരും കാഞ്ഞിരപ്പള്ളി അഗ്നിരക്ഷാ സേനയിലും മുണ്ടക്കയം പോലീസിലും വിവരമറിയിച്ചു. സ്ഥലത്തെത്തിയ കാഞ്ഞിരപ്പള്ളി അഗ്നിരക്ഷാ സേന അതിസാഹസികമായി തൊഴിലാളിയെ രക്ഷപ്പെടുത്തുകയായിരുന്നു. ഉടനെ തന്നെ ആശുപത്രിയിൽ എത്തിക്കുകയും ചെയ്തു.
