കുമാരനല്ലൂർ: കുമാരനല്ലൂർ ദേവീക്ഷേത്രത്തിൽ തൃക്കാർത്തിക നാളെ. വെള്ളിയാഴ്ച്ച വെളുപ്പിന് മൂന്നരയ്ക്ക് ദർശനം ആരംഭിക്കും. കോവിഡ് പ്രതിരോധ മാർഗ്ഗനിർദ്ദേശങ്ങൾ പൂർണ്ണമായും പാലിച്ചാണ് ചടങ്ങുകൾ നടത്തുന്നത്. ദര്ശനത്തിനുള്ള ഒരുക്കങ്ങൾ പൂർത്തിയായതായി ക്ഷേത്രം ഭാരവാഹികൾ അറിയിച്ചു. കഴിഞ്ഞ ദിവസങ്ങളിലായി നൂറുകണക്കിന് ഭക്തരാണ് ദേവിയുടെ അനുഗ്രഹം തേടി ക്ഷേത്രത്തിൽ എത്തുന്നത്. നാളെ വൈകിട്ട് 6 മണിക്കാണ് തൃക്കാർത്തിക ദേശവിളക്ക് എഴുന്നള്ളിപ്പ് നടക്കുക. തുടർന്ന് 7 മണിക്ക് സംഗീത സദസ്സ് ഉണ്ടാകും.
ചിത്രം: അനിൽ കുമാർ.
