നെടുംകുന്നം: നെടുംകുന്നം നോർത്ത് ഗവ. യുപി സ്കൂളിൽ പുതുതായി നിർമ്മിക്കുന്ന സ്കൂൾ കെട്ടിടത്തിന്റെ ശിലാസ്ഥാപനം ഡോ.എൻ ജയരാജ് എംഎൽഎ നിർവഹിച്ചു. 60 വർഷമായി അറിവിന്റെ വെളിച്ചമായി ശോഭിക്കുന്ന വിദ്യാലയമാണ് നെടുംകുന്നം നോർത്ത് ഗവ. യുപി സ്കൂൾ എന്ന് ഡോ എൻ ജയരാജ് പറഞ്ഞു. സ്‌കൂളി 2 നിലകളിലായി 8 ക്ലാസ്സ് മുറികൾ നിർമ്മിക്കുന്ന കെട്ടിടത്തിന്റെ ശിലാസ്ഥാപന കർമ്മം നിർവ്വഹിച്ചു സംസാരിക്കുകയായിരുന്നു എംഎൽഎ. സംസ്ഥാന പൊതുമരാമത്ത് വകുപ്പാണ് സ്കൂൾ കെട്ടിടത്തിന്റെ നിർമ്മാണം നിർവഹിക്കുന്നത്. പൊതു വിദ്യാലയങ്ങൾ എന്നും മികവിന്റെ കേന്ദ്രങ്ങൾ ആയി തുടരട്ടെ എന്നും എംഎൽഎ ആശംസിച്ചു.
