പാലാ: പാലായിൽ പലചരക്ക് കടയ്ക്ക് തീ പിടിച്ചു. പാലാ അരുണാപുരം മരിയൻ ജംക്ഷനിൽ പ്രവർത്തിച്ചിരുന്ന പലചരക്ക് കടക്കാന് തീ പിടിച്ചത്. ഇന്ന് വെളുപ്പിന് 3 മണിയോടെയാണ് കടയ്ക്ക് തീ പിടിച്ചത്.
ഷോർട് സർക്യൂട്ട് ആണ് തീ പിടിത്തത്തിനു കാരണമെന്നാണ് പ്രാഥമിക നിഗമനം. കടയിൽ നിന്നും തീയും പുകയും ഉയരുന്നത് കണ്ടവരാണ് ഫയർ ഫോഴ്സിൽ വിവരമറിയിച്ചത്. തുടർന്ന് പാലായിൽ നിന്നും ഫയർ ഫോഴ്‌സ് എത്തി തീ അണയ്ക്കുകയായിരുന്നു.
കടയിലെ മുഴുവൻ സാധനങ്ങളും ഉപകരണങ്ങളും കത്തി നശിച്ചു. ആറ് ലക്ഷം രൂപയുടെ നഷ്ടം ഉണ്ടായതായി ഉടമ ഞൊണ്ടിമാക്കൽ ജോണി കൊച്ചുപറമ്പിൽ പറഞ്ഞു. പലചരക്ക്,സ്റ്റേഷനറി, ലേഡീസ് ഐറ്റംസ് എന്നിവയായിരുന്നു കടയിൽ ഉണ്ടായിരുന്നത്. 2 മുറി കടയിൽ ഒരു മുറി പൂർണ്ണമായും അഗ്നിക്കിരയായി.
