ചങ്ങനാശ്ശേരി: ലക്ഷങ്ങൾ വില വരുന്ന ഹെറോയിനുമായി ബംഗാൾ സ്വദേശിയായ യുവാവിനെ തൃക്കൊടിത്താനം പോലീസ് പിടികൂടി. വെസ്റ്റ് ബംഗാള്‍ സ്വദേശിയായ മോസറിക്കൗണ്‍ അലാം (32)ആണ് പോലീസ് പിടിയിലായത്.
ജില്ലാ പോലീസ് മേധാവിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ പോലീസ് ഇയാളെ കഴിഞ്ഞ കുറച്ചു ദിവസങ്ങളായി നിരീക്ഷിച്ചു വരികയായിരുന്നു. ഇയാളുടെ പക്കൽ നിന്നും 11 ഗ്രാം ഹെറോയിൻ പോലീസ് പിടിച്ചെടുത്തിട്ടുണ്ട്. ഡിവൈഎസ്പി ശ്രീകുമാറിന്റെ നിര്‍ദേശമനുസരിച്ച് തൃക്കെടിത്താനം സിഐ അജീബിന്റെ മേല്‍നോട്ടത്തില്‍ എസ്.ഐ അഖില്‍ദേവിന്റെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റ് ചെയ്തത്.
