കുമരകം: കുമരകത്തിനു ഞായറാഴ്ച്ച രാത്രി അപകട രാത്രിയായിരുന്നു. അരമണിക്കൂറിനിടെ കുമരകം മേഖലയിൽ 3 അപകടങ്ങളാണ് ഉണ്ടായത്.
3 അപകടങ്ങളിലും പരിക്കേറ്റത് ഇരുചക്ര വാഹന യാത്രികർക്കാണ്. കൊഞ്ചുമട റോഡിലും അട്ടിപ്പീടിക റോഡിലും കണ്ണാടിച്ചാലിലുമാണ് ഇന്നലെ അരമണിക്കൂറിനിടെ 3 അപകടങ്ങൾ ഉണ്ടായത്. കൊഞ്ചുമട റോഡിൽ റോഡിലെ മെറ്റലിൽ കയറിയതിനെ തുടർന്ന് നിയന്ത്രണംവിട്ട ബൈക്ക് മറിഞ്ഞു കുമരകം സ്വദേശിക്ക് പരിക്കേറ്റു. അട്ടിപ്പീടിക റോഡിൽ കാറും ബൈക്കും കൂട്ടിയിടിച്ച് ചെങ്ങളം സ്വദേശിയായ യുവാവിന് പരിക്കേറ്റു. കണ്ണാടിച്ചാലിൽ നിയന്ത്രണംവിട്ട ബൈക്ക് മറിഞ്ഞു ഇരുചക്ര വാഹന യാത്രികന് പരിക്കേറ്റു.
