എരുമേലി: എരുമേലി സർക്കാർ ആശുപത്രിയിലെ ആംബുലൻസിന്റെ ഗ്ലാസ്സുകൾ എറിഞ്ഞു തകർത്തു. ആശുപതി പരിസരത്ത് നിർത്തിയിട്ടിരുന്ന ആംബുലൻസിന്റെ ഗ്ലാസ്സുകളാണ് എറിഞ്ഞുടയ്ക്കപ്പെട്ടത്. കഴിഞ്ഞ ഞായറാഴ്ച 7 മണിയോടെയാണ് സംഭവം. സംഭവത്തിൽ എരുമേലി കാനക്കപ്പളം സ്വദേശിയെ പോലീസ് അറസ്റ്റ് ചെയ്തു. ആംബുലൻസിന്റെ മുൻഭാഗത്തേയും പിൻഭാഗത്തെയും വശങ്ങളിലെയും ചില്ലുകളാണ് എറിഞ്ഞുടച്ചത്. ഇയാൾക്ക് മാനസിക അസ്വാസ്ഥ്യം ഉള്ളതായി പോലീസ് പറഞ്ഞു. സംഭവത്തിൽ കേസെടുത്തു തുടർനടപടികൾ സ്വീകരിച്ചതായി എരുമേലി പോലീസ് പറഞ്ഞു.
