നീണ്ടൂർ: നീണ്ടൂരിൽ സ്കൂട്ടറും കാറും കൂട്ടിയിടിച്ചു സ്കൂട്ടർ യാത്രികന് ഗുരുതര പരിക്ക്. കൈപ്പുഴ സ്വദേശി ജോർജ്ജിനാണ് അപകടത്തിൽ ഗുരുതരമായി പരിക്കേറ്റത്.
നീണ്ടൂർ കൈപ്പുഴ പള്ളിത്താഴെ ഇന്ന് ഉച്ചയോടെയായിരുന്നു അപകടം ഉണ്ടായത്. അപകടം കണ്ടു ഓടിയെത്തിയ നാട്ടുകാർ ചേർന്നാണ് ജോർജ്ജിനെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചത്. അപകടത്തിൽ സ്കൂട്ടർ പൂർണ്ണമായും തകർന്നു.
ജോർജ്ജിന്റെ കാലിനു ഗുരുതരമായി പരിക്കേറ്റിട്ടുണ്ട്. ഗാന്ധിനഗർ പോലീസ് സ്ഥലത്തെത്തി മേൽനടപടികൾ സ്വീകരിച്ചു.
