കോട്ടയം: ഏറ്റുമാനൂർ-ചിങ്ങവനം റെയിൽപാത ഇരട്ടിപ്പിക്കൽ ജോലികളുമായി ബന്ധപ്പെട്ടു 13 ടിപ്പർ ലോറികളെ ഗതാഗത സമയ നിയന്ത്രണത്തിൽ നിന്ന് ഒഴിവാക്കിയാതായി ജില്ലാ കളക്ടർ ഡോ.പി കെ ജയശ്രീ അറിയിച്ചു.
റെയിൽപാത ഇരട്ടിപ്പിക്കൽ ജോലികൾ മാർച്ച് 31 നകം പൂർത്തിയാക്കേണ്ട സാഹചര്യത്തിലാണ് ബന്ധപ്പെട്ട ജോലികൾക്ക് ആവശ്യമായ ബാലസ്റ്റ് എത്തിക്കുന്നതിന് റെയിൽവേയ്ക്ക് അനുവദിച്ച 13 ടിപ്പർ ലോറികളെ ഗതാഗത സമയ നിയന്ത്രണത്തിൽ നിന്ന് ഒഴിവാക്കിയത് എന്ന് ജില്ലാ കളക്ടർ പറഞ്ഞു.
ഇത് സംബന്ധിച്ചുള്ള ഉത്തരവ് വാഹനത്തിൽ പതിപ്പിക്കണമെന്നും സ്‌കൂൾ സമയത്ത് പരമാവധി വേഗത കുറച്ച് ഗതാഗതം നടത്തണമെന്നും ജില്ലാ കളക്ടർ പറഞ്ഞു.
