തലയോലപ്പറമ്പ്: കോട്ടയം തലയോലപ്പറമ്പിൽ ആക്രിക്കടയിൽ വൻ തീപിടുത്തം. അപകടത്തിൽ 3 അന്യസംസ്ഥാന തൊഴിലാളികൾക്ക് ഗുരുതരമായി പൊള്ളലേറ്റു. തലയോലപ്പറമ്പിൽ ചന്തയ്ക്ക് സമീപം വാഹനങ്ങൾ പൊളിച്ചു നീക്കുന്ന ആക്രിക്കടയിൽ ആണ് തീ പിടുത്തമുണ്ടായത്.
സ്ഥലത്തു വലിയ രീതിയിൽ തീ പടർന്നു പിടിച്ചിട്ടുണ്ട്. അന്തരീക്ഷം കറുത്ത പുകപടലങ്ങളാൽ മൂടിക്കിടക്കുകയാണ്. വാഹനം പൊളിക്കുന്നതിനിടെ ഡീസൽ ടാങ്ക് പൊട്ടിത്തെറിച്ചതാകാം അപകടകാരണമെന്നാണ് പ്രാഥമിക നിഗമനം. നാട്ടുകാർ വിവരമറിയിച്ചതനുസരിച്ച് പോലീസും അഗ്നിരക്ഷാ സേനയും സ്ഥലത്തേക്ക് തിരിച്ചിട്ടുണ്ട്.
സ്ഥാപനത്തിലെ തൊഴിലാളികളായ ബീഹാർ സ്വദേശികളായ 3 പേർക്ക്കാണ് ഗുരുതരമായി പൊള്ളലേറ്റത്. ഇവരെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
Updating ...
