ഇരാറ്റുപേട്ട: ലോകമാതൃഭാഷാദിനം ഈരാറ്റുപേട്ട മുസ്ലിം ഗേൾസ് ഹയർ സെക്കൻഡറി സ്കൂളിൽ മനം നിറയും മലയാളം എന്നപേരിൽ വിപുലമായ പരിപാടികളോടെ ആചരിച്ചു.
മുഴുവൻ വിദ്യാർഥികളുമായി സ്കൂൾ തുറന്ന ദിനത്തിൽ അഞ്ചാംക്ലാസ് വിദ്യാർഥികളെ മലയാള അക്ഷരമാലകൾ അണിയിച്ചു കൊണ്ടാണ് വിദ്യാലയം സ്വീകരിച്ചത്. മാതൃഭാഷയുടെ പ്രാധാന്യം ബോധ്യപ്പെടുത്തി കൊണ്ട് ഹെഡ്മിസ്ട്രസ് ശ്രീദേവി വി എൻ ചൊല്ലിക്കൊടുത്ത മാതൃഭാഷാ പ്രതിജ്ഞ മുഴുവൻ വിദ്യാർഥികളും ഏറ്റുചൊല്ലി.
അധ്യാപകൻ മുഹമ്മദ് ലൈസൽ മാതൃഭാഷാദിന സന്ദേശം നൽകി അധ്യാപകരായ എം എഫ് അബ്ദുൽ ഖാദർ, അൻസാർ അലി, പി.ജി ജയൻ, പി എൻ ജവാദ്, ടി എസ് അനസ്, പി എസ് റമീസ്, രഹന ബഷീര്‍, ദിവ്യ സൈനബ ഫാസില്‍ എന്നിവർ പരിപാടികൾക്ക് നേതൃത്വം നൽകി.
