കോട്ടയം: ഏറ്റുമാനൂർ മുനിസിപ്പാലിറ്റി 35-ാം വാര്‍ഡിലെ ( അമ്പലം) ഉപതിരഞ്ഞെടുപ്പ് മെയ് 17ന് നടത്തും. ഇത് സംബസിച്ച വിജ്ഞാപനം ഏപ്രിൽ 20ന് നിലവിൽ വന്നു. നാമനിർദേശ പത്രിക ഏപ്രിൽ 27 വരെ സമർപ്പിക്കാം. പത്രികകളുടെ സൂക്ഷ്മ പരിശോധന ഏപ്രിൽ 28 ന് നടത്തും. സ്ഥാനാർഥിത്വം പിൻവലിക്കുന്നതിനുള്ള അവസാന തീയതി ഏപ്രിൽ 30 ആണ്. വോട്ടെണ്ണൽ മെയ് 18ന് നടക്കും. തിരഞ്ഞെടുപ്പുമായി ബന്ധപ്പെട്ട ഒരുക്കങ്ങൾക്കാവശ്യമായ നടപടികൾ സ്വീകരിച്ചതായി ഇലക്ഷൻ വിഭാഗം ഡെപ്യൂട്ടി കളക്ടർ ജിയോ ടി. മനോജ് അറിയിച്ചു. കോട്ടയം ജില്ലയിൽ ഏറ്റുമാനൂർ മുനിസിപ്പാലിറ്റിയിലെ അമ്പലം വാർഡിൽ മാത്രമാണ് തദ്ദേശ ഉപതിരഞ്ഞെടുപ്പ് നടക്കുന്നത്. സംസ്ഥാനത്തെ 12 ജില്ലകളിലെ 42 തദ്ദേശസ്വയംഭരണ സ്ഥാപന വാർഡുകളിലാണ് തദ്ദേശ ഉപതിരഞ്ഞെടുപ്പ് നടക്കുന്നത്.
