ചങ്ങനാശ്ശേരി: രണ്ടാം പിണറായി വിജയന്‍ സര്‍ക്കാരിന്റെ ഒന്നാം വാര്‍ഷികാഘോഷത്തിന്റെ ഭാഗമായി ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിൻ്റെ ആഭിമുഖ്യത്തിൽ നിയോജക മണ്ഡലങ്ങൾ തോറും സംഘടിപ്പിക്കുന്ന എന്റെ കേരളം പ്രചാരണ യാത്ര ഇന്ന് ചങ്ങനാശേരി നിയോജക മണ്ഡലത്തിൽ പര്യടനം നടത്തും. തത്സമയ ക്വിസ്, കലാജാഥ, വികസന ചിത്ര-വീഡിയോ പ്രദര്‍ശനം എന്നിവ ഉള്‍പ്പെടുത്തിയുള്ള പരിപാടിയുടെ നിയോജക മണ്ഡലതല ഉദ്ഘാടനം രാവിലെ 10 ന് അഡ്വ.ജോബ് മൈക്കിൾ എം.എൽ.എ നിർവ്വഹിച്ചു. ചങ്ങനാശേരി രണ്ടാം നമ്പർ പ്രൈവറ്റ് ബസ്റ്റാൻഡിനു സമീപം നടക്കുന്ന ചടങ്ങിൽ നഗരസഭാധ്യക്ഷ സന്ധ്യാ മനോജ് അധ്യക്ഷത വഹിച്ചു. തുടർന്ന് കുറിച്ചി ഔട്ട് പോസ്റ്റ്, വാഴപ്പള്ളി കുരിശും മൂട്, തൃക്കൊടിത്താനം കുന്നും പുറം എന്നിവിടങ്ങളിൽ പരിപാടി അവതരിപ്പിക്കും. പൊതു ജനങ്ങൾക്കായി നടത്തുന്ന ക്വിസ് പരിപാടിയിൽ ശരിയുത്തരം നൽകുന്നവർക്ക് ട്രോഫിയും പുസ്തകവും സമ്മാനിക്കും.
