മണിമല: മണിമലയിൽ 6 ആടിനെ അജ്ഞാതജീവി കടിച്ചുകൊന്നു. ഏറത്തുവടകര കരിപ്പാൽപടി കണിച്ചേരിൽ ആന്റെണിയുടെ കൂട്ടിലുണ്ടായിരുന്ന ആറ് ആടുകളേയാണ് രാവിലെ ചത്തനിലയിൽ കണ്ടെത്തിയത്.
നാല് വലിയ ആടുകളും രണ്ടു കുട്ടിയാടുകളേയുമാണ് കൂട്ടിനുള്ളിൽ ചത്തനിലയിൽ കണ്ടെത്തിയത്. ആടുകളുടെ കുടൽ വലിച്ചുകീറിയ നിലയിലാണ്. ഏത് ജീവിയാണ് ആടുകളെ കൊന്നതെന്ന് കണ്ടെത്താനായിട്ടില്ല. മണിമലയിലും സമീപപ്രദേശങ്ങളിലേയും കർഷകർ ഭീതിയിലാണ്.
മേഖലയിൽ തെരുവുനായ ശല്യവും അതിരൂക്ഷമാണ്. കൂട്ടത്തോടെയെത്തുന്ന തെരുവുനായ്ക്കളും വളർത്തുമൃഗങ്ങളെ ആക്രമിക്കാറുണ്ട്. കുറുനരി ശല്യവും ഇവിടെയുണ്ട്.
