പാലാ: പാലായിൽ ബസ്സിനെ മറികടക്കുന്നതിനിടെ സ്‌കൂട്ടർ ബസ്സിന്റെ ചക്രത്തിനിടയിൽ കുടുങ്ങിയുണ്ടായ അപകടത്തിൽ സ്‌കൂട്ടർ യാത്രികന് പരിക്ക്. പാലാ-ഈരാറ്റുപേട്ട റോഡിൽ അമ്പാറയിൽ അമ്പലം കവലയ്ക്ക് സമീപമാണ് അപകടം ഉണ്ടായത്. സ്വകാര്യ ബസ്സിനെ മറികടക്കുന്നതിനിടെ സ്‌കൂട്ടർ ബസ്സിന്റെ മുൻചക്രത്തിനിടയിൽ കുടുങ്ങുകയായിരുന്നു. സ്‌കൂട്ടർ ബസ്സിന്റെ ചക്രത്തിനിടയിൽ കുടുങ്ങിയതോടെ സ്‌കൂട്ടർ യാത്രികൻ റോഡിലേക്ക് തെറിച്ചു വീഴുകയായിരുന്നു. അപകടത്തിൽ സ്‌കൂട്ടർ യാത്രികന് പരിക്കേറ്റിട്ടുണ്ട്.
