വൈക്കം: വൈക്കത്ത് അങ്കണവാടി കെട്ടിടത്തിന്റ ഭിത്തി ഇടിഞ്ഞുവീണു 3 വയസ്സുകാരന് പരിക്ക്. വൈക്കം പോളശ്ശേരി കായിക്കരയിലെ അങ്കണവാടി കെട്ടിടത്തിന്റ ഭിത്തിയാണ് ഇടിഞ്ഞു വീണത്. കായിക്കര പനയ്ത്തറ അജീഷിന്റ മകൻ ഗൗത(3)മിന് ആണ് പരിക്കേറ്റത്. ഭിത്തി ഇടിഞ്ഞു വീണപ്പോൾ കല്ല് തെറിച്ചു വീണു ഗൗതമിന്റെ മൂക്കിനു പരിക്കേൽക്കുകയായിരുന്നു. ഗൗതമിന്റെ ആദ്യം വൈക്കം താലൂക്ക് ആശുപത്രിയിലും പിന്നീട് കോട്ടയം മെഡിക്കൽ കോളേജ് ആശുപത്രിയിലും പ്രവേശിപ്പിച്ചു. ഇന്ന് രാവിലെ 11 മണിയോടെയാണ് അപകടം ഉണ്ടായത്. വീടിനോടു ചേർന്നുള്ള താൽക്കാലിക കെട്ടിടത്തിൽ പ്രവർത്തിച്ചിരുന്ന അങ്കണവാടി കെട്ടിടത്തിന്റ ഭിത്തിയാണ് ഇടിഞ്ഞു വീണത്. പതിനഞ്ചോളം കുട്ടികൾ പഠിക്കുന്ന അങ്കണവാടിയിൽ ഇന്ന് എത്തിയത് രണ്ടു കുട്ടികൾ മാത്രമാണ്. കൂടുതൽ കുട്ടികൾ എത്താതിരുന്നതിനാൽ വലിയൊരു അപകടമാണ് ഒഴിവായത്.
