കേരളത്സവം: ഉഴവൂർ ഗ്രാമ പഞ്ചായത്ത് ഷട്ടിൽ ബാഡ്മിന്റൺ ടൂർണമെന്റ് സംഘടിപ്പിച്ചു.

ഉഴവൂർ: കേരളോത്സവത്തിന്റെ ഭാഗമായി ഉഴവൂർ ഗ്രാമ പഞ്ചായത്ത് സംഘടിപ്പിച്ച ഷട്ടിൽ ബാഡ്മിന്റൺ ടൂർണമെന്റ് സ്ഥിരസമിതി അധ്യക്ഷൻ തങ്കച്ചൻ കെ എം ന്റെ സാനിദ്ധ്യത്തിൽ വൈസ് പ്രസിഡന്റ്‌ എലിയാമ്മ കുരുവിള ഉദ്ഘാടനം ചെയ്തു. ഗ്രാമപഞ്ചായത് പ്രസിഡന്റ്‌ ജോണിസ് പി സ്റ്റീഫൻ സമ്മാനദാനം നിർവഹിച്ചു.

മെമ്പര്മാരായ സിറിയക് കല്ലട, ശ്രീനി തങ്കപ്പൻ,കൺവീനർ സജോ സൈമൺ, ജോണി കളരിക്കൽ,റെജി പാണാൽ, ബിനു പീറ്റർ എന്നിവർ നേതൃത്വം നൽകി. ബാഡ്മിന്റൺ സിംഗിൾസ് വിഭാഗത്തിൽ അലൻ സിറിൽ സ്റ്റീഫൻ, സജോയ് സെബി എന്നിവർ ഒന്നും രണ്ടും സ്ഥാനം കരസ്ഥമാക്കി. വനിത വിഭാഗത്തിൽ സാന്ദ്ര സെബി ഒന്നാം സ്ഥാനം നേടി.

ബാഡ്മിന്റൺ ഡബിൾസ് മത്സരത്തിൽ അലൻ സിറിൽ സ്റ്റീഫൻ, രാജേഷ് കെ ആർ ഒന്നാം സ്ഥാനവും ജിഖിൽ ജോസ്, ജോയൽ കുര്യൻ രണ്ടാം സ്ഥാനവും കരസ്ഥമാക്കി.