നാട്ടിൽ നിന്നും മടങ്ങിയെത്തിയത് ദിവസങ്ങൾക്കു മുൻപ്, യു കെ യിൽ കോട്ടയം സ്വദേശിനിയായ നേഴ്സ് കുഴഞ്ഞു വീണ് മരിച്ചു.

കോട്ടയം: നാട്ടിൽ നിന്നും ദിവസങ്ങൾക്കു മുൻപ് യു കെ യിൽ മടങ്ങിയെത്തിയ കോട്ടയം സ്വദേശിനിയായ നേഴ്സ് കുഴഞ്ഞു വീണ് മരിച്ചു.

 

 കോട്ടയം ചിങ്ങവനം വലിയപറമ്പിൽ അനിൽ ചെറിയാൻ്റെ ഭാര്യ സോണിയ സാറ ഐപ്പ് ( 39) ആണ് മരിച്ചത്. റെഡ്ഡിച്ചിലെ  അലക്സാണ്ട്ര ഹോസ്പിറ്റലിലെ നേഴ്സ് ആയിരുന്നു. കാലിലെ ഒരു സർജറി സംബന്ധമായി 10 ദിവസം മുൻപ് നാട്ടിൽ  പോയി മടങ്ങിയെത്തിയ ഉടനെ ആണ് ആകസ്മിക വേർപാട്.

 

 വീട്ടിൽ കുഴഞ്ഞുവീണ ഉടനെ അടിയന്തര വൈദ്യസഹായം എത്തിച്ചെങ്കിലും ജീവൻ രക്ഷിക്കുവാൻ കഴിഞ്ഞില്ല. ലിയായും ലൂയിസും ആണ് മക്കൾ.