പാലാ ഭരണങ്ങാനത്ത് ഫ്ലാറ്റിനു മുകളിൽ നിന്ന് വീണ് യുവാവിന് ദാരുണാന്ത്യം.

കോട്ടയം: പാലാ ഭരണങ്ങാനത്ത് ഫ്ലാറ്റിനു മുകളിൽ നിന്ന് വീണ് യുവാവിന് ദാരുണാന്ത്യം. മൂവാറ്റുപുഴ കോതമംഗലം സ്വദേശിയായ അമ്പാടി സന്തോഷ് ആണ് മരിച്ചത്.

 

 തിങ്കളാഴ്ച വെളുപ്പിന് പന്ത്രണ്ടയായോടെയാണ് സംഭവം. അമ്പാടിയും സുഹൃത്തുക്കളും വിവാഹ ചടങ്ങിൽ പങ്കെടുക്കുന്നതിനായി എത്തിയതായിരുന്നു. ഇവർ ഭരണങ്ങാനം മേരിഗിരി ജംഗ്ഷനിൽ ഉള്ള സ്വകാര്യ ഫ്ലാറ്റിൽ ആണ് മുറിയെടുത്തത്.

 

 മുകളിലത്തെ മുറിയിൽ ബാൽക്കണിയിൽ നിന്നും അമ്പാടി കാൽവഴുതി താഴെ വീഴുകയായിരുന്നു.  ഇവർ മദ്യ ലഹരിയിലായിരുന്നുവെന്നാണ് വിവരം. പാലാ പോലീസ് സ്ഥലത്തെത്തി മേൽ നടപടികൾ സ്വീകരിച്ചു. മൃതദേഹം ഭരണങ്ങാനത്തെ സ്വകാര്യ ആശുപത്രി മോർച്ചറിയിലേക്ക് മാറ്റി.