വീണ്ടും പെരുമഴക്കാലം, സംസ്ഥാനത്ത് കനത്ത മഴ തുടരുന്നു, കോട്ടയം ജില്ലയിൽ ഇന്നും യെല്ലോ അലേർട്ട്.

കോട്ടയം: സംസ്ഥാനത്ത് വീണ്ടും പെരുമഴക്കാലം. വ്യാഴാഴ്ച രാവിലെ മുതൽ ആരംഭിച്ച ഇടവിട്ടുള്ള ശക്തമായ മഴ വെള്ളിയാഴ്ചയും തുടരുകയാണ്. 

ഒറ്റപ്പെട്ട ശക്തമായ മഴയ്ക്കു സാധ്യതയുള്ളതിനാൽ ഇന്നും കോട്ടയം ജില്ലയിൽ കേന്ദ്ര കാലാവസ്ഥാവകുപ്പ് മഞ്ഞ അലെർട്ട് പ്രഖ്യാപിച്ചു. 24 മണിക്കൂറിൽ 64.5 മില്ലിമീറ്ററിൽ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് കേന്ദ്ര കാലാവസ്ഥ വകുപ്പ് അർത്ഥമാക്കുന്നത്. ഇടിമിന്നലോടു കൂടിയ മഴയാണ് പ്രതീക്ഷിക്കുന്നത്. മഴയ്ക്കൊപ്പം ശക്തമായ കാറ്റിനും സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.