കോട്ടയം: കോട്ടയം കുമാരനല്ലൂരിൽ കാറും ലോറിയും കൂട്ടിയിടിച്ചു, നിയന്ത്രണം നഷ്ടമായ ലോറി റോഡരികിലെ കെട്ടിടത്തിലേയ്ക്കു പാഞ്ഞു കയറി.
വ്യാഴാഴ്ച വൈകിട്ട് എം സി റോഡിൽ കോട്ടയം കുമാരനല്ലൂരിൽ ആണ് അപകടം ഉണ്ടായത്. കോട്ടയം ഭാഗത്തു നിന്നും എത്തിയ ലോറിയും എതിർ ദിശയിൽ നിന്നും എത്തിയ കാറും തമ്മിൽ കൂട്ടിയിടിക്കുകയായിരുന്നു. അപകടത്തിൽ കാർ യാത്രികയ്ക്ക് പരിക്കേറ്റു.
കാറിൽ നാല് യാത്രക്കാരാണ് ഉണ്ടായിരുന്നത്. പരിക്കേറ്റ ഇവരെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. അപകടത്തിൽ കാറിന്റെ മുൻ ഭാഗം പൂർണമായും അപകടത്തിൽ തകർന്നു. പോലീസ് സ്ഥലത്തെത്തി മേൽനടപടികൾ സ്വീകരിച്ചു.
