കോട്ടയം: സ്വീഡനിൽ നടന്ന ഗോതിയ കപ്പ് നേടിയ ഇന്ത്യൻ സ്‌പെഷൽ ഒളിമ്പിക്‌സ് ദേശീയ ഫുട്‌ബോൾ ടീമിൽ അംഗമായ ആരോമൽ ജോസഫിനെ ജില്ലാ കളക്ടർ ജോൺ വി. സാമുവൽ ആദരിച്ചു.
വലിയ നേട്ടമാണ് ഇന്ത്യൻ ടീം കരസ്ഥമാക്കിയതെന്നും ആരോമലിന്റെ നേട്ടം നാടിന് അഭിമാനകരമാണെന്നും കളക്ടർ പറഞ്ഞു. കുറുപ്പുംതുറ സ്വദേശികളായ ലാലു ജോസഫ് -മായാ ദമ്പതികളുടെ മകനാണ് ആരോമൽ. പരിശീലനം നൽകിയ സേവാഗ്രാം സ്‌പെഷൽ സ്‌കൂളിലെ കായികാധ്യാപകൻ അലൻ സി. വർഗീസ്, ഫാ. ക്ലീറ്റസ് ടോം എടശ്ശേരിൽ, ഫാ. എബിൻ പുത്തേറ്റുപടവിൽ എന്നിവർ സന്നിഹിതരായിരുന്നു.
