കോട്ടയം: കോട്ടയം ഡിസിസി ജനറൽ സെക്രട്ടറി ജോബോയ് ജോർജ്(47) അന്തരിച്ചു. വ്യാഴാഴ്ച രാത്രി എട്ടരയോടെ കോട്ടയം മാർക്കറ്റിൽ പച്ചക്കറി വാങ്ങുന്നതിനായി എത്തിയതായിരുന്നു ജോബോയി.
ഇതിനിടെ മാർക്കറ്റിൽ വച്ച് കുഴഞ്ഞു വീഴുകയായിരുന്നു. കുഴഞ്ഞുവീണത് കണ്ട് സമീപത്തുണ്ടായിരുന്നവർ ഉടൻ തന്നെ കോട്ടയം ജനറൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഹൃദയാഘാതമാണ് മരണ കാരണമെന്നാണ് പ്രാഥമിക നിഗമനം. മൃതദേഹം ജനറൽ ആശുപത്രിയിൽ നിന്ന് കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റും. കവിതയാണ് ഭാര്യ, മൂന്ന് മക്കൾ ഉണ്ട്. യൂത്ത് കോൺഗ്രസ് കോട്ടയം മുൻ ജില്ലാ പ്രസിഡൻ്റായിരുന്നു.
