വീട്ടിലേക്ക്​ ഫോൺ ചെയ്​തുകൊണ്ടിരിക്കുന്നതിനിടെ കുഴഞ്ഞു വീണ് റിയാദിൽ കോട്ടയം സ്വദേശി മരിച്ചു.

കോട്ടയം: വീട്ടിലേക്ക്​ ഫോൺ ചെയ്​തുകൊണ്ടിരിക്കുന്നതിനിടെ കുഴഞ്ഞു വീണ് റിയാദിൽ കോട്ടയം സ്വദേശി മരിച്ചു. കോട്ടയം സംക്രാന്തി സ്വദേശി സജി മൻസിലിൽ അസീം ഖാൻ സിദ്ധീഖ്​ (48) ആണ്​ വെള്ളിയാഴ്ച മരിച്ചത്.

 

 വെള്ളിയാഴ്​ച പുലർച്ചെ വീട്ടിലേക്ക്​ ​ഫോൺ ചെയ്​ത്​ പിതാവുമായി സംസാരിക്കുന്നതിനിടെ കുഴഞ്ഞു വീഴുകയായിരുന്നു. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. റിയാദിൽ സ്വകാര്യ കമ്പനി ജീവനക്കാരനായ അസീം 20 വർഷമായി റിയാദിൽ ജോലി ചെയ്തു വരികയായിരുന്നു.

 

 വർഷങ്ങളായി റിയാദിൽ കുടുംബസമേതം താമസിക്കുകയായിരുന്നു. സഹോദരനടക്കം നിരവധി ബന്ധുക്കൾ റിയാദിലുണ്ട്​. രണ്ട്​ മാസം മുമ്പാണ്​ കുടുംബത്തോടൊപ്പം അവധിക്ക്​ നാട്ടിൽ പോയി വന്നത്. മൃതദേഹം തിങ്കളാഴ്ച വൈകിട്ട് നാട്ടിലെത്തിക്കും.​ ചൊവ്വാഴ്ച നീലിമംഗലം ജുമാമസ്ജിദിൽ കബറടക്കം നടത്തും. ഭാര്യ: മുഅ്​മിന, മക്കൾ: അയിഷ, ആലിയ, ആമിന, ആദിൽ, അബ്രാർ.