കോട്ടയം: കോട്ടയത്ത് എംസി റോഡിൽ നിയന്ത്രണം നഷ്ടമായ കാർ റോഡരികിൽ നിർത്തിയിട്ട മറ്റൊരു കാറിൽ ഇടിച്ചു തിരുവനന്തപുരം സ്വദേശിക്ക് ദാരുണാന്ത്യം.
.jpeg)
മാവിളങ് ജംഗ്ഷനിലെ പെട്രോൾ പമ്പിനു സമീപമായിരുന്നു അപകടം. തിരുവനന്തപുരം കാട്ടാക്കട സ്വദേശി അനീഷ(54) ആണ് മരിച്ചത്. ഡ്രൈവർ ഉറങ്ങിപ്പോയതാണ് അപകടത്തിനു കാരണമെന്നാണ് പ്രാഥമിക നിഗമനം. അനീഷയുടെ മരുമകൻ നൗഷാദ് ആയിരുന്നു കാർ ഓടിച്ചിരുന്നത്. ഞായറാഴ്ച രാവിലെ 6 മണിയോടെയാണ് അപകടം ഉണ്ടായത്. നാലുപേരായിരുന്നു കാറിലുണ്ടായിരുന്നത്. ചികിത്സയുടെ ഭാഗമായി ഡോക്ടറെ കാണാന്‍ തൃശ്ശൂരിലേക്ക് പോകുംവഴിയാണ് അപകടം ഉണ്ടായത്. സംഭവത്തിൽ ചിങ്ങവനം പോലീസ് കേസെടുത്തു.
