കോട്ടയത്ത് ലോഡ്ജിനുള്ളിൽ വില്പനയ്ക്കായി സൂക്ഷിച്ച എം.ഡി.എം.എ.യുമായി യുവാക്കളെ പോലീസ് അറസ്റ്റുചെയ്തു.

കോട്ടയം: കോട്ടയത്ത് ലോഡ്ജിനുള്ളിൽ വില്പനയ്ക്കായി സൂക്ഷിച്ച എം.ഡി.എം.എ.യുമായി യുവാക്കളെ പോലീസ് അറസ്റ്റുചെയ്തു.

 

 അയ്‌മനം അമ്മൂനിവാസ് വീട്ടിൽ പ്രശാന്ത് (30), വാകത്താനം ഇരവുചിറ ഭാഗത്ത് വെള്ളത്തടത്തിൽ വീട്ടിൽ അമൽദേവ് (37), കോട്ടയം വിജയപുരം കളമ്പുകാട് ഭാഗത്ത് താന്നിക്കൽ വീട്ടിൽ ആദർശ് (23) എന്നിവരെയാണ് ജില്ലാ ലഹരിവിരുദ്ധ സ്‌ക്വാഡ് പിടികൂടിയത്. ഇവരിൽനിന്ന്‌ 2.85 ഗ്രാം എം.ഡി.എം.എ പിടിച്ചെടുത്തു. ജില്ലാ പോലീസ് മേധാവി ഷാഹുൽ ഹമീദിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ കോട്ടയം വെസ്റ്റ് പോലീസും ജില്ലാ ലഹരിവിരുദ്ധ സ്‌ക്വാഡും സംയുക്തമായി നടത്തിയ പരിശോധനയിലാണ് ഇവർ പിടിയിലായത്.